غناوي علم فوكاهيه

السلام عليكم ورحمة الله وبركاته

وانا تصفح النت وجدت بعض الشتاوي والغناوي الفكاهية
فحبيت ننقلها لكم لتغيير الجو
واللي عنده اضافة يضيفها

انخاف كي نحل عليه .... نقهر عزيز في عقاب رنته
ان شالله ياخوان العشره راسك يقعد كله قشرة

ادموعي ودموع المرهون تلاقن دارن بيكمون
العقل فيه برشه اهموم منجمش للعزيز ايقوله

امشفشف يا العزيز اشعرك نحلف عليه مانك مشطه
العين في الظلام اتحوس .. اخبطت في الدولاب كردمت

العين شحنها شرطات واقل من دقيقة عزمها
انريده انريده ...نأكل نا وياه عصيدة..

العين بكاها بالريموت تعلى وتواطى فى الصوت
بصيرة ورا الدولاب.... انظر عزيز ولا قنطشة

ثعلب لابسه كاويش .... في دجاج لولاف حايسه
جا العقل يوزن فيك .. لقاك خفيف مافيك فايدة

رنه للنشد مخليها .... صاحب صوب رزانى فيها
زامق واللحم يالاه... قطوس الغلا يانويرتي

سيارة اصحاب الصوب .. مليانة غلا لين فوزت
شرموله وفيها زيت .... نحسابها بطاطه مبطنه

طول الليل انخط ونمحى ... نرسم في سلة فواكه
عزيز رخا بي الحبل ابصراحة هدي مش طريقة

عليه وين مارنيت .... مكر عزيز مشغول دارلي
عزيز طاح فى الخزان نبكى وقليبى فرحان

عدس حمص بطاطا ..... ودك غير ادير عصيده
عزيز يلعب قدام الباب كل مانطلع بره ننفجع

غلا عزيز كيف التمر ... مدسوس في شكاير نايلو
غلا عزيز كيف الرز..... حتى بلا كواشيك يوتكل

غلا عزيز كيف العنكبوت ...امعشش في تراكين خاطري
غلا عزيز كيف القرد عذاب موز وطياح عالشجر

غلا عزيز كيف الفيل قعمز علي قلبي دقدقه
غلا عزيز كيف القرد وكال موز بلا فايده

غلا عزيز من الدنمارك .::. العالم بجمله قاطعه
غلاكم دقيق شعير .. ايجي عيش ويجي كسكسو

غلا عزيز بالشكل ده مش حيستمر خالص
غلا عزيز كيف البينسة تمسك التل نين ينقطع

غلا عزيز....كيف الحبق فايح في حساء خاطري
غلا عزيز كيف السحاب والارض ليست ملكا لأحد

غلا عزيز كيف الكاغط مرهون فى عنز تالكله
غلا عزيز كيف الفيل خرطوم طويل ودبة بلحيل

كنادر العزيز كبار...كراديم فى الراس خلفن
كليت في عزاه لحمه عزيز مات والله يرحمه

لو كان الغلا بالحيط ... انزره عزيز و نفجخه
لو كان الغلا بالكف انشلفط عزيز لين نبرم خلقتا

لو كن الغلا بالكف ... انصكه عزيز حداي لين ايلف ...ونزيد بوني
لو كان الغلا بالسير .. انشلط عزيز نين فوق ايطير .. و بردبول نلحقه

مطبوخ راه خير الدحي .. لجل الزيت حقه مرتفع
ميزته من بين الكل .. سباطة مربوط ابتل

مزيت يالعزيز اشعرك نحلف عليه مانك غاسله
مفتاحين وكاشافيته ماحلن دادو قسميته

من يوم فراق عزيز عليه نقلي دحيه كل عشيه
ناكل نا وياه امقطع.....بيش غلانا مايتقطع

ناكل نا وياه مكرونه .. بيش غلانا يزيد جنونه
وين عليا الحال يضيق كل عشية نطبخ دحيه

يؤبرني غلا عزيز .. دخل ع لقلب من غير مايقول يالله يالله
يقولو دمك عسل و كلامك سكر و قلبك قشطة .. انجيب فردتين خبزة و انجيك

اتمنى ان تنال اعجابكم

مشكووووووور صاحب الموضوع

شكرا ع الردود بس حبيت اتشاركوني بغناويكم مش مجرد رد
مع خالص احترامي

» غناوي ع الوقت
» غناوي على الفراق والفقد
» غناوي وشتاوي ع الكبد
» غناوي وشتاوي ع الوهام
» غناوي وشتاوي ع النار