غناوي وشتاوي ع الكبد

عزيز من جنين الكبد **** عندى غلى وزياده

على عزيز داير كبد **** وهو على ما با ايديرها

افداك يا عزيز الكبد **** اللى بين نيرانك هفت

على عزيز عندى كبد **** حتى ونا انوارى ذايبه

انحايل امغير اوحلت **** على عزيز كبدى ذايبه

ذايبه يا بعيد عليك **** الكبد نين روحه تالفه

فى الكبد نازلين ابثقل **** اعزاز نين فى دمى جرو

بريافك كليت الكبد **** نلقانك يا بعيد ضريتنى

تكبيد وغلا و رياف **** على عزيز عقلى منتهى

مقسى اكبودهم ياعين **** اللى عليك ما بو ينشدو

الكبد ياعزيز عليك **** حنونه و رقيته على

كملتي ياكبدي تشريح على كانون امقابل ريح

حنونه ودارت كبد ... على عزيز ويش ايفضها

أتشرك ياغالي وأتزيد **** بعد الكبيدة ويش أتريد

كبدي ماطيبها والي **** قسمت بين أيدين غوالي

من مدة كبدي منفرعة **** عدا كل عزيز بقرعة

» غناوي وشتاوي على البخت
» غناوي وشتاوي ع الوهام
» غناوي وشتاوي ع النار
» غناوي ع الوقت
» غناوي علم فوكاهيه